Daj interesantno bivat va selu,to saki zna ki va selu biva a ako j to selo Zlobin tin je više zanimljivije, centar sih događanji naravno to j oštarija, naša Fila, tako se zove, postoji od hiljadu osansto pedeset i koga leta, pa san se i ja tako više put zatekal va toj istoj oštariji a reče se ki posluša ta i čuje i ča bi volel čut i ča ne bi. Tako san čul da barba Frane F. tri put na dan ima svojun gospođun snošaj, da nas ne bi ova prava domaća rič "snošaj" preveć bola va uho moremo reć i da se npr. tri put pošuškaju, guše, gobe ili ononiče ili da se tri put posexaju,ma ne bi to bilo ni tako smišno da gori navedenoga Frana F. treti put kad gredu delo odbavit ne ulovi veli kašalj!

Bog daj zdravlji,hvaljen Isus i Marija, smrt fašizmu, tako se pozdravlja va našoj oštariji va koj je i dalje glavna tema gospodin Sex S. glavni akter ove druge štorijice z naše oštarije je Pepić P. Un van je glava familije, pošten i vridan čovik, pravi pater familijas. Tako se j jedan dan pepić P. malo preveć nadzrnul va čašicu i štorija j krenula, najme šjor pepić P. obznanil je svekolikomu pučanstvu daj seksal dva put va šest ur. Uslijedil je gromoglasan aplauz sih nazočnih i si smo popili turu na račun tih dva put va šest ur.unda sej jedan od posjetitelji obratil meni ko poznatomu zlobinskomu pjevaču i izrazil zavist ku osjeća naspram moje mladosti aš da san mlad i da morin sigurno puno jebat. Naravno da j pala tura i aplauz od strane zlobinskoga pjevača. Jebača.

Jednun san zgodun va toj našoj"kapelici" utaknul i jednoga barbića z Grobnika ki j došal na koktu aš da j dobro marendal a kad je već rič o marendi domislel sej kako j jednun zgodun jil i mačka i to z kompiricon, kad je imel petnajst let da su lovci ubili maška i da su ga spekli, oni dica da su navalili na toga maška i kad su već se dobro očistili da su lovci počeli mjavkat, neki da su se obrnuli i bljuvali a on da ni aš da j mačak bil dobar-debel. a kad smo već kod lovci sakako j vridno spomenut i dvi tri lovačke priče ke se tamo čuju,tako j jedan put jedan Šmričan pucal va srnu a ubil dvi,ma to i ni takovo čudo da jedna od te dvi ubijene srnice ni ustala stat na se četiri noge,kako?neka sam Bog zna! Jednun je zgodun jedan hreljan pucal va zmiju a ž nje je zišla žaba  i pobigla va travu,to te ja pitan štorija!

Alen Polić